Навальнийнинг ўлими ҳақидаги янгилик ўз жонига қасд қилиш ҳолатларини кўпайтирди

Алексей Навальнийнинг ўлимидан сўнг, клиник психологларнинг статистика маълумотлари ва излаш ресурсларидаги қидирув сўровлари россияликлар орасида ўз жонига қасд қилиш кайфиятлари кучайганини қайд этмоқда. Одамлар «умидни йўқотган» ва «ўғирланган келажак» ҳақида гапириб, мурожаат қилишяпти:

• 16 февралдан сўнг урушга қарши психологик ёрдам лойиҳаси Without Prejudice 1000 дан ортиқ мурожаатларни қабул қилган. Уларнинг 35 фоизи ўз жонига қасд қилиш ниятида ўткир кризис ҳолатидаги одамлардир. Ташкилотчиларнинг сўзларига кўра, бу ташкилотнинг бутун тарихи давомидаги рекорд кўрсаткич бўлиб, ҳатто уруш бошланганидан кейинги сўровлар сонидан ҳам ошиб кетган.
• Мурожаатларнинг қарийб 80 фоизи Россиядан келади. WP маълумотларига кўра, уларнинг ярмида «келажагимизни ўғирлашди» ва «Мен Алексейнинг ортидан кетмоқчиман” ибораларини ўз ичига олган.
• “Ментал саломатликни қўллаб-қувватлаш боти” маълумотларига кўра, 16 февралдан кейин ўз жонига қасд қилиш фикрига эга бўлган одамлардан қўнғироқлар сони 20 баравар ошган.
• Google сўровлари статистикаси ўз жонига қасд қилиш мавзусига қизиқиш бир ой ичида энг юқори даражага етганини кўрсатмоқда.

Охирги уч кун давомида ўз жонига қасд қилганлар билан ишлаган “ Without Prejudice ташкилотининг клиник психологи Навальнийнинг ўлими ҳақидаги хабар одамларни қандай қилиб ўз жонига қасд қилишга ундаётгани ҳақида гапириб берди:

“Сўз жуда катта қайғуни бошдан кечириш ҳақида боряпти. Биз катта йўқотиш муаммосига дуч келдик, қайғу эса бу йўқотишга мослашишга ва олиб қўйилган нарсаларсиз яшаш йўлларини топишга имкон берадиган жараён. Янги механизмлар, янги реакциялар, янги фикрлаш шаклларини яратиш учун вақт керак. Мослашув барча даражаларда содир бўлади: хатти-ҳаракат, эмоционал, когнитив. Баъзилар буни уддалаши қийин».