Навоий вилояти ҳокимлиги Open Budget учун овоз тўплашга мажбурлаган Қизилтепа ҳокимининг ўринбосарига нисбатан хизмат текширувини ўтказмоқда

Ижтимоий тармоқларда тахминан Навоий вилояти Қизилтепа тумани ҳокими ўринбосарининг овози эшитилаётгани аудиоёзув тарқалди. Ўлмас Истамов ташкилот раҳбарларини Open Budget платформасида овоз тўплашга мажбурлаган.

Навоий вилояти ҳокимлиги туман ҳокими ўринбосарига нисбатан хизмат текширувини  ўтказиш ва тегишли чоралар кўриш тўғрисида қарор қабул қилингани ҳақида хабар берди. Кўриб чиқиш натижаларига кўра қўшимча маълумотлар тақдим этилади.

“Туман ҳокимлиги бундай номақбул ҳаракатлар ва ходимларга нисбатан ҳурматсизликни кескин қоралайди”, — дейилади хабарда.