«Новатэк»: Санкт-Петербургдаги газ терминалидаги ёнғин ташқи кучлар туфайли юзага келган

Санкт-Петербург яқинидаги газ терминали йирик ёнғин рўй берганидан сўнг фаолиятини тўхтатди, Россиянинг иккинчи йирик газ ишлаб чиқарувчи корхонаси раҳбарлари бунга “ташқи ҳаракатлар” сабаб бўлганини айтишди.

Воқеадан сўнг компания Болтиқ денгизидаги Уст-Луга терминалидаги фаолиятини тўхтатди, Россия матбуоти эса заводда “портлашлар” содир бўлганини хабар қилди.

Айни пайтда, Украина портлашлар учун масъулиятни ўз зиммасига олмасдан, ўз оммавий ахборот воситаларида Россия инфратузилмаси, қурол заводлари ва бошқа объектларга қилинган қатор ҳужумлар учун жавобгар эканлигини хабар қилмоқда.

Уст-Лугадаги воқеа яқинда Санкт-Петербургдаги нефт терминалига, шунингдек, шарқий Украина билан чегарадош Брянск вилоятидаги порох ишлаб чиқарувчи ва нефт омборига учувчисиз самолётлар томонидан қилинган ҳужумлардан кейин содир бўлган. Ҳарбий экспертларнинг фикрига кўра, бу Киевнинг Россияга қарши туриши учун ўз таъсирини кенгайтира олганидан далолат беради.

Financial Times нашрининг ёзишича, ҳужумлардан хабардор манбалар улар Украина Ҳарбий разведка бошқармаси (ГУР) томонидан маҳаллий ишлаб чиқарилган учувчисиз ҳаво воситалари ёрдамида амалга оширилган.

Санкт-Петербургдаги икки воқеа, қарийб икки йил аввал Украинага кенг миқёсли босқин бошланганидан бери Россиянинг иккинчи йирик шаҳрига таъсир қилган биринчи воқеа бўлди. Уст-Луга Россиянинг энергия экспорти тизимидаги асосий марказ бўлиб, газни қайта ишлаш заводи ва нефт маҳсулотларини хорижга жўнатиш учун йирик портни ўз ичига олади.

«Новатэк» 2023 йилда ушбу иншоотда 7 миллион тонна газ конденсатини ёқилғига қайта ишлаган.

Ҳудудида газ мажмуаси жойлашган Ленинград вилояти губернатори Уст-Лугадаги ёнғин оқибатида қурбонлар йўқлигини, барча ходимлар эвакуация қилинганини айтган.