АҚШ Нигер пойтахтидан ўз қўшинларини олиб кетди
Америка қўшинлари Нигер пойтахти Ниамейдаги базадан чиқиб кетишни якунлади, деб ёзади “Коммерсантъ”. 15 сентябрга қадар АҚШ ўз кучларини мамлакат шимолидаги Агадес шаҳридан олиб чиқиши керак. Нигерда 950 га яқин америкалик ҳарбийлар бўлган, уларнинг 766 нафари мамлакатни тарк этган.
“Нигер Республикаси Мудофаа вазирлиги ва АҚШ Мудофаа вазирлиги Ниамейдаги 101-авиация базасидан Америка кучлари ва ускуналари олиб кетилиши якунланганини эълон қилади”, — дейилади қўшма коммюникеда. Базадаги маросимда Нигер армияси штаб бошлиғи Маман Сани Киау ва америкалик генерал Кеннет Экман қатнашган.
Март ойида Нигер ҳукумати АҚШ билан ҳарбий ҳамкорлик тўғрисидаги битимни бекор қилди. Апрелда Нигерга 100 нафар россиялик ҳарбий инструкторлар етиб келди. Май ойида Нигер пойтахтида Россия байроғи кўтарилди. Ўша ойда Россия ҳарбий мутахассислари АҚШнинг Нигердаги базасига кирди, шунингдек, мамлакатга Россиядан ҳарбий техника етиб келди.
If you have found a spelling error, please, notify us by selecting that text and pressing Ctrl+Enter.
Тавсиялар
Қирғизистон президенти Садир Жапаров Москвага ташриф буюради
Юнусобод тумани Алишер Навоий-Шароф Рашидов кўчаларида тўқнашув бўлди
Ғазо секторидаги масжидда ҳаво ҳужуми оқибатида 21 киши ҳалок бўлди
“ЦАХАЛ” Ғазонинг марказий ҳудудларидаги аҳолига эвакуация қилинишни буюрди
Ғарб ва Украина урушни якунлаш учун “ҳудудларни НАТО аъзолиги эвазига бериш” схемасини муҳокама қилмоқда
USD
EUR
RUB
Шарҳлар