Орбаннинг кортежи Германияда аварияга учради, полициячи ҳалок бўлди
Германияга ташрифи чоғида Венгрия бош вазири Виктор Орбаннинг кортежи ЙТҲга учради, натижада 61 ёшли германиялик полициячи ҳалок бўлди. Бу ҳақда Bild нашри ёзади.
Бахтсиз ҳодиса 24 июнь, душанба куни соат 11:15 атрофида Штутгарт шаҳрида содир бўлган. 69 ёшли аёл ўзининг BMW машинасида шлагбаумдан ўтиб кетиб, Орбаннинг машинасини кузатиб бораётган 61 ёшли полициячининг мототциклига бориб урилган.
BMW нинг зарбаси полициячини Венгрия бош вазирига ҳамроҳлик қилаётган бошқа, 27 ёшли офицернинг расмий мототциклига улоқтириб юборган. Уларнинг иккаласи ҳам оғир жароҳатлар билан шифохонага етказилган.
Штутгарт полицияси комиссари Маркус Эйзенбраун 61 ёшли полициячи шифохонада вафот этганини тасдиқлади. Марҳумнинг ҳамкасблари бунга аралашмасликлари учун воқеани тергов қилишни бошқа шаҳар – Людвигсбург полиция бўлими ўз зиммасига олди.
Bild нашрининг қайд этишича, Виктор Орбан бир кун олдин футбол бўйича Европа чемпионатида Венгрия терма жамоасининг Шотландия устидан ғалабасини кузатиш учун Германияда бўлган.
If you have found a spelling error, please, notify us by selecting that text and pressing Ctrl+Enter.
Тавсиялар
ФИФА президенти Жанни Инфантино Ўзбекистонга келади
Ўзбекистонда чиқиндиларни йиғиш хизматларидан қарздорлар электр токидан узиб қўйила бошлади
Маҳаллабай ишлаш ва тадбиркорликни ривожлантириш агентлиги Камбағалликни қисқартириш ва бандлик вазирлигига ўтказилади
2 ой ичида хорижда ота-она қарамоғисиз қолган 34 нафар бола Ўзбекистонга қайтарилди
Наманганда археологлар ноёб ерости йўлларини топди
USD
EUR
RUB
Шарҳлар