Оренбург мэри сув тошқини ҳудудидан мажбурий эвакуация қилиш ишлари бошланиши ҳақида маълум қилди

Оренбургнинг сув босган ҳудудларида вазият ёмонлашгани сабабли аҳолини мажбурий эвакуация қилиш бошланади. Бу ҳақда шаҳар маъмурияти раҳбари Сергей Салмин ўз Телеграм-каналида малум қилди.

“Охирги маълумотларга кўра, 6 апрель соат 15:00 ҳолатига кўра, Уралда сув сатҳи 855 сантиметрни ташкил этган ва у кўтарилади. Бу ҳолат бизга ҳеч қандай танловни қолдирмайди, бир кечада сув сатҳи критик даражага етиши мумкин. Мен ҳаммадан зудлик билан сув тошқини зонасидаги уйларини тарк этишларини талаб қиламан”, — дейилади хабарда.

Мэр яқин кунларда огоҳлантириш тизими ишга тушишини таъкидлаб, аҳолини бунга жиддий ёндашишга чақирди. Салминнинг қўшимча қилишича, мажбурий эвакуация полиция ходимлари билан биргаликда амалга оширилади.