Қозоғистонда ҳалок бўлган француз Бойқўнғир космодромига киришга уринмаган
![](https://anhor.uz/wp-content/uploads/2024/06/baikonur-cosmodrome1.jpg)
Қозоғистонда ҳалок бўлган француз Бойқўнғир космодромига киришга уринмаган, дея хабар беради ТАСС.
Бу ҳақда агентлик ҳуқуқ-тартибот идораларидаги манбага таяниб ёзади. Унинг сўзларига кўра, франциялик марҳум сайёҳ ва унинг ҳамроҳи шунчаки “даштдаги биноларни суратга олишган”.
“Улардан бири ўзини ёмон ҳис қилган, иккинчи сайёҳ эса назорат-ўтказиш пунктига ёрдам сўраш учун борган, аммо улар ёрдам беришга улгуришмаган”, – дейди агентлик суҳбатдоши.
Аввалроқ РИА Новости манбаси франциялик сайёҳ сувсизланишдан вафот этганини маълум қилганди.
“112” Телеграм-каналида у ҳамроҳи билан жазирама иссиқда дашт бўйлаб пиёда юргани ҳақида ёзганди.
If you have found a spelling error, please, notify us by selecting that text and pressing Ctrl+Enter.
Шарҳлар