Қозоғистонда хорижий фуқаролар учун мажбурий дактилоскопия жорий этилди

Қозоғистонда 2024 йил 1 январдан бошлаб чет элликлар ва фуқаролиги бўлмаган шахсларнинг бармоқ изларини рўйхатдан ўтказиш мажбурий ҳисобланади.

Ушбу процедура Қозоғистонда кейинги қолиш учун зарур бўлган ҳужжатларни олиш учун мажбурийдир.

Бармоқ излари қуйидаги ҳужжатлар учун тақдим этилиши керак: Доимий яшаш учун рухсатнома;

1. Чет эл фуқаросининг яшаш учун рухсатномаси;
2. Фуқаролиги бўлмаган шахснинг гувоҳномаси ёки уни тиклаш, алмаштириш учун;
3. Вақтинчалик яшаш учун рухсатнома;
4. Визалар (дастлаб олинадиган ва Қозоғистон ҳудудида олинган ва узайтирилган);
5. Бошпана излаётган кишининг шахсини аниқлаш;
6. Қочоқлик гувоҳномаси;
7. Қочқиннинг юриш ҳужжати.

Бундан ташқари, депортация қилиниши керак бўлган ёки реадмиссия тартибида қайтарилган шахслар ҳам дактилоскопиядан ўтказилади.

“Дактилоскопиядан ўтказишда чет элликлар ёки фуқаролиги бўлмаган шахслар шахсини тасдиқловчи ҳужжат, у мавжуд бўлмаганида эса тасдиқловчи гувоҳнома ва дактилоскопияга йўлланмага эга бўлиши керак. Маъмурий жавобгарлик тўғрисидаги кодекснинг 443-1-моддасига мувофиқ дактилоскопиядан ўтишни рад этиш мамлакатдан чиқариб юбориш тарзидаги маъмурий жавобгарликка сабаб бўлади”, — дейди полиция Orda.kz нашрига.

Полициянинг аниқлик киритишича, дактилоскопик рўйхатдан ўтказиш ишлари яшаш жойидаги миграция хизмати бўлимларида амалга оширилади.