Қозоғистонда охирги уч кун ичида деразадан бешта бола қулаб тушган

Қозоғистонда сўнгги уч кун ичида беш нафар бола кўп қаватли уйлар деразасидан қулаб тушди, дея хабар беради Nova24 нашри Tengrinews нашрига таяниб.

4 август куни Алматанинг Алмали туманида олти ёшли қиз иккинчи қават деразасидан қулаб тушган. Воқеа натижасида шифокорлар қизчани турли тан жароҳатлари билан касалхонага ётқизишган.

Бундан ташқари, 4 август куни ҳам Улитау областининг Сатпаев туманида олти ёшли бола турар-жой биносининг 4-қаватидан тушиб кетган. Ҳозирда шифокорлар боланинг ҳаёти учун курашмоқда.

3 август куни Астана шаҳрининг Сариарқа районида бир ёшли бола бешинчи қаватдаги хонадон деразасидан қулаб тушган. Шифокорлар уни турли тан жароҳатлари билан касалхонага олиб кетишган.

2 август куни Алмата шаҳрининг Алатау районида уч ёшли қизалоқ ўн беш қаватли турар-жой деразасидан қулаб тушиб, вафот этди. Ҳозирда ҳуқуқ-тартибот идоралари ходимлари томонидан бу борада суриштирув ишлари олиб борилмоқда, шунингдек, фожиа ҳолатлари аниқланмоқда. Суд-тиббий экспертизаси тайинланган.

3 август куни Темиртау шаҳрида олти ёшли бола уч қаватли турар-жой деразасидан қулаб тушган. Кейинроқ шифокорлар уни турли тан жароҳатлари билан касалхонага олиб кетиган.

Шу муносабат билан Қозоғистон Фавқулодда вазиятлар вазирлиги фуқароларга қуйидагиларни эслатади:

• кичик болаларни қаровсиз қолдирманг;
• болаларнинг катталарсиз балконга чиқишига рухсат берманг;
• чивинли тўрлар болаларни қулаб тушишдан ҳимоя қилмайди.