Павел Дуров фарзандларининг онаси Telegram мессенжерининг ярмини беришни талаб қилди

Telegram асосчиси Павел Дуров фарзандларининг онаси Ирина Болгар собиқ фуқаролик турмуш ўртоғининг олдига янги талаблар қўйишини маълум қилди. У Telegram мессенжерини биргаликда орттирилган мулк деб ҳисоблайди ва унга бўлган ҳуқуқларнинг ярмини суд орқали қўлга киритиш ниятида.

Болгарнинг сўзларига кўра, уларнинг Дуров билан рўйхатдан ўтмаган муносабатлари 10 йил давом этган, бу даврда учта бола туғилган. Унинг таъкидлашича, у тадбиркорнинг мол-мулкидан фойдаланиш ҳуқуқига эга эди, аммо фойдаланиш тўғрисидаги шартномалар, унинг фикрича, «унинг ҳуқуқларини тўлиқ ҳимоя қилмаган».

«Мен фарзандларим билан бирга ҳар доим оилавий ресурслардан фойдаланиш имкониятига эга бўлишимизга чин дилдан ишонардим, гарчи бизнинг никоҳимиз расмий рўйхатдан ўтмаган бўлса-да ва биргаликда орттирилган мулк, шу жумладан асосий бойлик – Telegram мессенжери фақат унинг номига рўйхатга олинган», – дейди Болгар. Instagram ижтимоий тармоғида.

Унинг қўшимча қилишича, Дуров болаларнинг молиявий хавфсизлигини таъминлаш, улар учун жамғармалар яратиш ва қимматбаҳо уй сотиб олишга ваъда берган.