Петербургда амалдорларга хизмат ёзишмалари учун Telegram ва WhatsApp мессенжерларидан фойдаланиш тақиқланди

Санкт-Петербургнинг барча ижроия ҳокимияти раҳбарлари расмий маълумотлар алмашинуви учун хорижий мессенжерлардан фойдаланишни тақиқлаш тўғрисида буйруқ олишди. Рўйхатга WhatsApp ва Telegram кирди.

Ахборотлаштириш ва алоқа қўмитасининг (АваАҚ) тегишли талаби бўлган ҳужжатга 4 сентябрь санаси қўйилган бўлса-да, қуйи муассасалар шунга ўхшаш кўрсатмаларни аллақачон қатъий тақиқ шаклида олган.

АваАҚ раҳбари Юлия Смирнованинг мактубида таъкидланишича, тақиқ «чекланган кириш маълумотларини бузиш, йўқ қилиш ёки ўзгартириш фактларининг олдини олиш, шунингдек, бундай фактлар учун замин яратилишининг олдини олиш учун» жорий этилмоқда.

“Фонтанка” хабарига кўра, муқобил алоқа воситаси сифатида маҳаллий eXpress мессенжери, корпоратив алоқа платформасидан фойдаланиш таклиф қилинмоқда. eXpress веб-сайтида таъкидланганидек, бу «бугунги кунда Россия Федерацияси “ФСТЭК” томонидан сертификатланган йирик компанияларда ўнлаб ва юз минглаб фойдаланувчиларга мўлжалланган ягона корпоратив Супер илова».

eXpress 2023 йилда айланмаси миллиард рублдан ошган Андрей Врацкийнинг “Анлимитед Продакшен” томонидан ишлаб чиқилмоқда. Компания бир неча бор давлат корхоналари ва муассасаларида ўз дастурий таъминотидан фойдаланиш учун лицензияларни бериш бўйича шартномалар олган.