“Пхукет – Сочи” самолётида парвоздан олдин носозлик аниқланди

Azur Air  авиакомпанияси матбуот хизматининг хабар беришича, ZF-4068 рейсининг экипажи учишга тайёргарлик кўраётганда кондиционерлаш тизимида техник носозлик аниқланган.

“Командир камчиликларни тузатиш учун тураргоҳга қайтишга қарор қилди”, — дейилади авиакомпания хабарида. – Йўловчилар эвакуация қилинмаган. Йўловчилар одатдагидек аэропорт терминалида тушишди. Ҳеч қандай махсус техника жалб қилинмади”.

Аниқлик киритилишича, бортда 336 нафар йўловчи бўлган, яъни самолёт 100 фоиз юкланган. Самолёт ҳозирсоз ҳолатда, йўловчилар самолётга чиқмоқда ва тез орада парвоз амалга оширилади.