Politico: Энергия танқислиги туфайли Украинани энг оғир қиш кутмоқда

Politico нашри Украина ҳукуматининг энергетика масалалари бўйича маслаҳатчиси ва Энергетика саноати тадқиқотлар марказининг директори Александр Харченконинг маълумотларига асосан, Киев кунига 8 соатдан 20 соатгача электр энергияси узилишларига тўқнаш келиши мумкинлиги ҳақида хабар беради.

«Ҳозирданоқ мутахассислар энергиянинг чекланишини, бу эса одамларни кунининг катта қисмида электр таъминотидан маҳрум қилишини тахмин қилмоқда. Бунга қаттиқ совуқ ва Россиянинг атом энергетикаси объектларига зарбалари қўшилса, Украина электр таъминотидан кунига 20 соатгача узилишларга тўқнаш келиши мумкин», – дейди Харченко.

Нашрнинг таъкидлашича, муаммо шундаки, Россияни зарбаларидан кейин Украина асосан ракета зарбаларидан ҳимояланмаган атом инфратузилмасига боғлиқ бўлиб қолган, уларни таъмирлаш ишлари учун вақт етмаяпти.

Москва август ойининг охирида мамлакат энергия объектларига 200 дан ортиқ ракета ва дронлар билан ҳужум қилган.