Путин Кремлда Хитой Давлат кенгашининг бош вазири билан учрашди

Россия президенти Владимир Путин чоршанба куни Москвада Хитой Халқ Республикаси Давлат кенгаши бош вазири Ли Цян билан учрашди. Путин икки давлат ўртасидаги савдо алоқаларининг ўсишини олқишлади, чунки Москва Пекиннинг сиёсий ва иқтисодий ёрдамига тобора кўпроқ қарам бўлиб бормоқда.

“Савдо муносабатларимиз, жумладан, хитойлик дўстларимизнинг саъй-ҳаракатлари туфайли изчил ривожланиб бормоқда” – деди Путин Кремлда бўлиб ўтган учрашувда.

Шунингдек, у Россия ва Хитой иқтисодий ва бошқа лойиҳаларни амалга ошириш учун “кенг кўламли режалар” ишлаб чиққанини айтди.

Аввалроқ россиялик ҳамкасби, Бош вазир Михаил Мишустин билан музокаралар ўтказган Ли, “Хитой-Россия муносабатлари энг юқори чўққида” эканини билдирди.

Учрашув Россия Украинанинг Курск областига бостириб киришининг учинчи ҳафтасига тўғри келишини жиловлашга уринаётган бир пайтда ўтказилмоқда. Учрашувдан бир кун олдин Москва Украинадаги можаро бошланганидан бери пойтахтга дронлар ҳужумларининг энг йирик тўлқинларидан бирини бошдан кечирди.

Россия Федерацияси ва Хитой Халқ Республикаси ҳукумат раҳбарларининг 29-учрашуви якунлари бўйича қўшма комюникеда, хусусан, “Хитой ва Россия спортни сиёсийлаштиришга қарши”, шунингдек, “томонлар активларни мусодара қилиш ташаббусларини қоралайди” ва хорижий давлатларнинг мулки ва бундай давлатларнинг жавоб чораларига бўлган ҳуқуқини таъкидланади. Россия ва Хитой ҳам алоқа соҳасидаги ҳамкорликни кучайтиришга келишиб олди.

Хитой Украинадаги урушда нейтрал позицияни эгаллашга ҳаракат қилмоқда, лекин у Россия билан Ғарбга нисбатан қаттиқ душманона кайфиятда .