Путиннинг айтишича, Украина қуролли кучлари Курск атом электр станциясига ҳужум қилишга уринган

Путиннинг айтишича, Украина қуролли кучлари Курск атом электр станциясига ҳужум қилишга уринган. Бу ҳақда у чегара ҳудудларидаги “вазият бўйича” йиғилишда айтди.

“Душман бугун тунда [Курск] АEСга зарба беришга уринди. Бу ҳақида  Атом энергияси бўйича халқаро агентликка маълум қилинган, улар келиб, вазиятни баҳолаш учун мутахассислар юборишга ваъда беришган. Умид қиламанки, охир-оқибат бу улар томонидан амалга оширилади”, — деди Путин.

Курск атом электр станцияси ва Росатом вакиллари атом электр станциясига ҳужум қилишга уриниш ҳақидаги хабарларга изоҳ бермади.