Путиннинг сайлов участкаларидаги портретларига ҳеч ким эътибор қилмаяпти

“Асосий номзод”нинг портретлари бутун мамлакат бўйлаб давлат муассасаларидаги кўплаб сайлов участкаларида – мактаблар, кутубхоналар, маданият марказларида қайд этилди. Улар байроқ, герб, мадҳия ва Конституциядан парчалар ёнидаги стендларга қўйилган, дея хабар беради “Можем объяснить” обуначилари ва сайловни кузатаётган жамоатчилик.

Баъзи сайлов участкаларида, масалан, Воронежда, кузатувчиларнинг шикоятларидан сўнг, портретлар ёпиб қўйилган, бироқ Путиннинг фотосурати сайлов комиссияси аъзоларининг қутилари, кабиналари ва столлари ёнида жойлашганлиги ҳақида кўпроқ далиллар мавжуд. Айрим амалдорлар, масалан, Стрежево шаҳри (Томск области) мэри каби, сайлов участкасига ўрнатилган доҳийнинг портрети фонида очиқдан-очиқ сайловга боришга тарғиб қилишмоқда.

Федерал қонунга кўра, сайлов участкаларида ва уларнинг атрофида сайловолди ташвиқотини олиб бориш, умуман, овоз бериш кунларида сайловолди ташвиқотини олиб бориш тақиқланади. Сайловлар бўйича эксперт Андрей Бузиннинг фикрича, президентнинг сайловлардаги портрети ташвиқот ҳисобланади. 2012 ва 2018 йиллардаги сайловларда ҳам шунга ўхшаш қонунбузарликлар, гарчи унчалик миқёсда бўлмаса-да, кузатилган, бироқ ўшанда ҳам сайлов комиссиялари бунга жавоб реакциясини кўрсатишдан бош тортган.