Қозоғистонда январь воқеалари бўйича собиқ ички ишлар вазири Эрлан Турғумбаев қўлга олинди

Ички ишлар вазирлигининг собиқ раҳбари Эрлан Турғумбаев қўлга олинди, деб хабар қилди мамлакат Бош прокуратураси. Назорат қилувчи органга кўра, 2022 йил январ воқеалари билан боғлиқ жиноят ишлари бўйича тергов давом этмоқда.

“29 апрель куни собиқ ички ишлар вазири Турғумбаев ҳокимиятни оғир оқибатларга олиб келгани (Қозоғистон Республикаси Жиноят кодекси 362-моддаси 4-қисми) ва мансаб ваколатини суиистеъмол қилгани учун Қозоғистон Республикасининг Жиноят-процессуал кодексининг 128-моддасига асосан ҳибсга олинган.”, — дейилади хабарда.

20 март куни Бош прокуратура собиқ ички ишлар вазири Эрлан Турғумбоев ва бошқа ички ишлар органлари раҳбарларининг жиноий жавобгарликка тортилгани ҳақидаги маълумотга изоҳ берди. Бош прокуратуранинг хабар беришича, департамент томонидан январ воқеалари чоғида ҳуқуқ-тартибот ва хавфсизлик таъминланмагани, фуқароларга нисбатан қийноқлар қўлланилгани билан боғлиқ ҳуқуқни муҳофаза қилувчи органлар ходимларига нисбатан тергов ҳаракатлари давом эттирилмоқда.

“Давом этаётган тергов-суриштирув ишлари доирасида собиқ ички ишлар вазири Эрлан Турғумбаев сўроқ қилинди”, — дейилади Бош прокуратура хабарида.

Эрлан Турғумбаев 2019 йил февралидан буён Қозоғистон Ички ишлар вазирлиги раҳбари лавозимида ишлаб келаётганди. У январь воқеаларидан кўп ўтмай бу лавозимни тарк этганди. Жамоатчилик Ички ишлар вазирлигининг собиқ раҳбарини полиция сўроқ пайтида қўллаган қийноқларда айблаган.