Қозоғистон президенти Владимир Путин билан телефонда гаплашди

Қозоғистон президенти Қосим-Жомарт Тоқаев Россия президенти Владимир Путин билан телефон орқали мулоқот қилди.

Икки давлат раҳбарлари суҳбат чоғида Қозоғистон-Россия ҳамкорлигининг ҳозирги ҳолати ва истиқболларини муҳокама қилиб, унинг стратегик шериклик ва иттифоқчилик руҳида изчил ривожланиб бораётганини таъкидладилар.

Шу билан бирга, эришилган келишувларни амалга ошириш бўйича савдо-иқтисодий, сармоявий, саноат ва маданий-гуманитар соҳаларда икки давлат ўртасидаги мувофиқлаштирилган ҳамкорлик қайт этилган.

Тоқаев ва Путин халқаро кун тартибидаги долзарб масалалар юзасидан ҳам фикр алмашишган ва бўлажак учрашувлар жадвалини муҳокама қилишган.