Қувайт амири парламентни тарқатиб юборди ва конституциянинг бир қатор низомлари кучини тўхтатиб қўйди
![](https://anhor.uz/wp-content/uploads/2024/05/5ffb24c74892266ca105814c039de44f.jpg)
Қувайт Миллий мажлиси (бир палатали парламент) сайловдан кейин олти ҳафта ўтиб, тарқатиб юборилди, деб ёзади “Коммерсантъ”. Бундай қарор амир Мишаал Ал Аҳмад Ал Жобир Ас Сабаҳю томонидан қабул қилинди. У шунингдек, конституциянинг баъзи низомлари амал қилишини тўрт йилдан кўпроқ муддатга тўхтатиб қўйди ва парламентнинг баъзи ваколатларини қабул қилди.
“Демократия давлатни вайрон қилиш учун ишлатилишига йўл қўймайман”, — деди амир. У ўз қарорини баъзи депутатлар унинг ваколатларига аралашгани, бошқалари эса ҳукуматни шакллантиришда ёрдам кўрсатиш бўйича шартлар қўйгани билан изоҳлади. “Биз сабр қилиб бўлмайдиган қийинчиликлар ва тўсиқларга учрадик”, — дея қўшиб қўйди у.
Қувайт парламентига навбатдан ташқари сайловлар апрель бошида ижро этувчи ва қонун чиқарувчи ҳокимиятлар ўртасидаги зиддият фонида икки йил ичида бешинчи марта бўлиб ўтди. Ҳукуматни шакллантиришда қийинчиликлар юзага келди. Февралда амир конституцияга зид иборалардан фойдаланган парламентни тарқатиб юборди. Ас Сабаҳю 2023 йил декабрида тахтга ўтирган эди.
If you have found a spelling error, please, notify us by selecting that text and pressing Ctrl+Enter.
Шарҳлар