Ракета ҳужуми натижасида 4 ёшли қиз Белгород касалхонасида вафот этган

30 декабрь куни Белгород марказидаги ракета ҳужуми қурбонлари сони 25 кишига етган. Белгроддаги касалхонада тўрт ёшли қизча вафот этди. У кўкрак қафаси ва ички аъзолари жароҳати билан жуда оғир аҳволда ётқизилган эди. Унинг аҳволи оғир бўлгани учун қизни Москвага даволаш учун олиб боришнинг иложи бўлмади. Бу ҳақда вилоят губернатори Вячеслав Гладков маълум қилди, деб ёзяпти Коммерсантъ нашри.

“Бугун область болалар шифохонасида кўкрак қафаси ва ички аъзолари қўшма жароҳатлари билан оғир аҳволда бўлган 4 ёшли қизалоқ вафот этди. Тарқалган томир ичидаги коагуляция синдроми ва кўп қон кетиши туфайли уни тиббий эвакуация қилишнинг иложи бўлмади”, — деб ёзган губернатор  ўз телеграм саҳифасида .

30 декабрь куни Белгород маркази Украина томонидан йирик ракета ҳужумига учради. Соғлиқни сақлаш вазирлиги маълумотларига кўра, 108 нафар Белгород фуқароси жабрланган. Вячеслав Гладков ушбу ҳужумнинг Украина билан қуролли можаронинг деярли икки йиллик давридаги оқибатларининг «энг оғири» деб атади. Президент Владимир Путин Белгороддаги ҳужумни «террорчилик ҳаракати» деб атаганди.