РФ Марказий банки АҚШнинг “Мосбиржа”га қарши санкциялари ҳақида: доллар ва евро билан битимлар биржадан ташқари бозорда амалга оширилади

Россия Федерацияси Марказий банки биржадан ташқари бозорда доллар савдоси давом этишини маълум қилди. Курс, бошқа нарсалар қаторида, биржадан ташқари савдо хизматлари томонидан белгиланади. Россия Банкининг баёнотида айтилишича, АҚШнинг Москва биржаси ва МКМ га қарши санкциялари фонида биржа савдолари ва етказиб бериладиган воситалар бўйича АҚШ доллари ва еврода ҳисоб-китоблар тўхтатилган.

Биржадан ташқари бозорда АҚШ доллари ва евро билан битимлар давом эттирилади, – дейилади баёнотда.

Доллар ва евронинг рублга нисбатан расмий курсларини аниқлаш учун Марказий банк банк ҳисоботлари ва рақамли биржадан ташқари савдо майдончаларидан олинган маълумотлардан фойдаланади.

Россияликлар Россия банклари орқали доллар ва евро сотиб олиш ва сотишни давом эттиришлари мумкин, ҳисобварақлар ва депозитлардаги доллар ва евродаги барча маблағлар хавфсиз бўлиб қолади, дея таъкидлайди банк.