РФ Мудофаа вазирлиги Украинанинг “Юг” қўмондонлик штабига зарба берилгани ҳақида хабар берди

Россия Мудофаа вазирлиги Украина армиясининг “Юг” оператив қўмондонлиги штабига харба берилгани ҳақида хабар берди. Вазирлик маълумотларига кўра, Украина Қуролли кучлари “Юг” оператив қўмондонлик штабига Россия Қуролли кучларининг оператив-тактик авиацияси, ракета қўшинлари ва артиллерияси томонидан зарба берилган. Бундан ташқари, 112 та ҳудудда рақибнинг шахсий таркиби ва ҳарбий техникасига зарбалар берилган.

Баёнотга кўра, ҳаво ҳужумидан мудофаа тизимлари Украинанинг 29 та дрони, бешта Hammer ҳаво бомбаси ва “Ураган” кўп учирувчи ракета тизимини уриб туширган.

Ҳисоботда, шунингдек, Украина бригадаларининг ҳужум гуруҳлари томонидан марказ гуруҳи томонидан қайтарилган қарши ҳужумлари ҳақида сўз боради. Тактик вазият яхшиланган ва Донецк Халқ Республикасининг бир қанча ҳудудларида Украина Қуролли кучлари бўлинмалари мағлубиятга учраган, дейилади хабарда.

Вазирликнинг қайд этишича, Украина Қуролли кучлари 410 нафаргача ҳарбий хизматчи ва катта миқдордаги ҳарбий техника, жумладан, танк, пиёдалар жанговар машинаси ва артиллерия қурилмаларини йўқотган.

Бундан ташқари, “Запад”, “Юг”, “Восток” ва “Днепр” гуруҳлари Украина бригадаларининг турли ҳудудларидаги бўлинмаларига зарба бергани ҳақида хабар берилган. Оқибатда рақиб томон юзлаб аскарини ва катта миқдордаги техникасини йўқотган.