Ригада кўчаларнинг Россия билан боғлиқ номлари ўзгартирилади

Рига шаҳар думаси депутатларининг 60 та овозидан 38 нафари кўпчилик овоз билан пойтахтдаги иккинчи энг узун Маскавас номли кўчанинг номини ўзгартиришга қарор қилди ва унга Латгалес номини берди, деб ёзади DW.

Маълумотларга кўра рус ёзувчи ва шоирлари номидаги кўчалар ҳам янги номларга эга бўлади:

Пушкин кўчаси тилшунос олим Карлис Миленбах номига, Тургенев кўчаси рассом Вилгельм Пурвитис номига, Лермонтов кўчаси шоир Вилис Плудонис ва Гоголь кўчаси журналист Эмилия Бенжамин номига ўзгартирилади.

– Депутатлар, шунингдек, Типография кўчасини ҳарбий учувчи Август Спаринс шарафига ўзгартириш ва Ломоносов кўчасига Латвия ҳукуматидаги биринчи аёл, таълим вазири Валерия Сеиле номини беришга қарор қилишди.

Маскавас кўчаси 1851 йилдан буён шу ном билан аталади. Депутатларнинг нима учун унинг номини ўзгартириш кераклиги ҳақидаги саволларига Рига мэрининг ўринбосари Эдвардс Ратниекс “Россиянинг Украинага бостириб кириши билан боғлиқ жамият сўров бор”, деб жавоб берган. Унинг сўзларига кўра, харажатлар ҚҚСсиз 80 минг еврони ташкил қилади.