Россия Гуляйполега ҳужумга тайёргарлик кўрмоқда, УҚК қарши ҳужумга ўтиши мумкин – Bild

Россия армияси Запорожье областининг Гуляйполе шаҳрида ҳужумга тайёргарлик кўрмоқда. Шу билан бирга, украиналиклар кузда қарши ҳужумга ўтиши мумкин.

Бу ҳақда Bild  нашри манбаларга таяниб ёзади. Нашрга фронтда жангчилар билан алоқада бўлган Украина Қуролли Кучлари фахрийсининг айтишича, Россия Қуролли кучлари ҳозирда у ердан Гуляйполега ўтиш учун Пологи шаҳри яқинида тўпланган.

“Руслар ҳозирда Запорожье вилоятида ҳужумга тайёргарлик кўрмоқда ва Гуляйполе йўналиши бўйича зарба бериш учун қўшинларни ўтказмоқда, агар руслар уни босиб олса, украиналиклар учун муҳим стратегик ва логистика нуқтаси бўлган Запорожье областида катта босим остида қолади”, – дейди фахрий.

Ғарб ҳарбий доираларидаги яна бир манбанинг айтишича, НАТОнинг Вашингтондаги саммити олдидан альянс иттифоқчилари Киевдан “куздан бошлаб маҳаллий қарши ҳужумлар”га олиб келиши мумкин бўлган Украинанинг сафарбарлик режаси ҳақида хабардор қилинган. BILD маълумотларига кўра, бунинг учун Украина Қуролли кучларида аллақачон янги бригадалар тузилмоқда, зарар кўрган бўлинмалар ротация қилинмоқда ва йўқотишлар қопланмоқда. Ғарбнинг фикрича, Россия ҳарбий кучлари келгуси ойларда заифлашиши мумкин, бу эса жанг майдонида янги бурилишни келтириб чиқариши мумкин. Шу билан бирга, Киевдаги манбанинг таъкидлашича, ҳозир “ёллаш секин кетмоқда”.