Россия қўшинлари Украина энергетика объектларига ҳужум қилмоқда

Энергетика вазири Герман Галушченконинг айтишича, Россия қўшинлари Украина энергетика секторига катта ҳужум уюштирмоқда ва фавқулодда ўчиришлар жорий қилинмоқда.

“Энергетика яна бир бор душман томонидан катта ҳужум остида. Энергетика объектларига ҳужумлар бутун Украина бўйлаб содир бўлмоқда. Трансмиссия тизимининг оператори NEC Укрэнерго шошилинч равишда электр энергиясининг фавқулодда узилишларини жорий қилди. Хавфсизлик ҳолати имкон берса, оқибатларига ойдинлик киритилади. Расмий хабарларни кузатиб боринг”, – деб ёзди у «Facebook»да.

Украина Қуролли кучлари Ҳарбий-ҳаво кучлари маълумотларига кўра, Россия қўшинлари Украинага ракеталар ва ҳужумчи учувчисиз самолётлар билан ҳужум қилмоқда. Ҳужумлар ҳақида Волин вилояти ҳарбий бошқармаси раҳбари Иван Рудницкий ва Харков вилояти раҳбари Олег Синегубов хабар берган.