Россия суди ўз тарихида илк бор инвесторлардан Соликамск магний заводининг акцияларини олиб қўйиш ҳақида қарор қабул қилди

22 март куни Россия тарихида биринчи марта Перм ўлкаси арбитраж суди активларни деприватизациялаш жараёни натижасида Соликамск магний заводи (СМЗ) акцияларини хусусий инвесторлардан олиб қўйишга қарор қилди. Миноритар акциядорлар Москва биржасида брокерлик компаниялари орқали сотиб олинган компаниянинг тахминан 10,6% акцияларига эгалик қилишган, аммо суд уларнинг эгалик ҳуқуқини ноқонуний деб ҳисоблаган.

Москва биржаси 2022 йил ноябрь ойида СМЗ акциялари савдосини тўхтатди, аммо қимматли қоғозлар ҳали ҳам уларни брокерлар орқали сотиб олган акциядорларнинг қўлида эди. Ишга 2100 га яқин хусусий мижоз жалб қилинган. Жавобгарлар орасида хусусий инвесторлар билан бир қаторда бир қатор хорижий компаниялар ва завод касаба уюшмаси ҳам бор.

“»Соликамск магний заводи» очиқ акциядорлик жамиятининг оддий номи ёзилган акциялар кўринишидаги давлат мулкини ноқонуний эгаликдан Россия Федерацияси фойдасига қайтариб олиш талаб қилинсин», – дейилади Перм ўлкаси арбитраж судининг қарорида. Брокерларга уларни виждонли харидорларнинг ҳисобварақларидан ҳисобдан чиқариш мажбурияти юкланди.

Марказий банк суднинг акцияларни мусодара қилиш тўғрисидаги қарорини хусусий инвесторларнинг фонд бозорига бўлган ишончига путур етказиши мумкин бўлган хавфли воқеа деб ҳисоблади.

“Агар биз ривожланиш учун ресурсларни жалб қилмоқчи бўлсак, шу жумладан, капитал бозори имкониятларидан фойдаланмоқчи бўлсак, албатта, бу ишончни сақлаб қолиш жуда муҳим. Бу ҳолат бизни хавотирга солмоқда, бу ерда яна нима қилишимиз мумкинлигини, биринчи навбатда, қонунчилик нуқтаи назаридан кўрамиз”.