Россия Тергов қўмитаси футболчи Алиевга қарши террорчиликка чақириқлар ҳақида иш қўзғатди

Москванинг “Локомотив” клуби ва Украина терма жамоасининг собиқ футболчиси Александр Алиевга нисбатан терроризмга чақириқлар айби билан жиноий иш қўзғатилиб,  қидирувга берилди. Бу ҳақда Россия Федерацияси Тергов қўмитасининг Москва бўйича Бош тергов бошқармаси хабар беради.

Алиев Россия Федерацияси Жиноят кодексининг 205.2-моддаси 2-қисмида назарда тутилган жиноятни (террорчилик фаолиятига оммавий чақириқ) содир этганликда гумон қилинмоқда. Ушбу модда бўйича максимал етти йилгача қамоқ жазоси берилади.

“Пойтахт Тергов қўмитаси терговчилари Алиевни қидирувга эълон қилди”, — дейилади Давлат тергов бошқармасининг хабарида.

Эслатиб ўтамиз, Алиев украиналик аскарларни Курск областида “ўзларига эҳтиёт бўлишга” ва “тинч аҳолини ўлдиришга” чақирган видеони ёзиб чоп этган эди.