Россияда ноқонуний муҳожирликни ташкиллаштириш ўта оғир жиноятларга тенглаштирилди
Давлат думаси бир гуруҳ шахслар томонидан жиноят содир этиш учун ноқонуний миграция ташкил этилишини ўта оғир жиноят деб таснифловчи қонунни қабул қилди. Энди бу ҳуқуқбузарлик учун 8 йилдан 15 йилгача қамоқ жазоси, 3 миллиондан 5 миллион рублгача жарима ва лавозим эгаллаш ҳуқуқидан маҳрум қилиш назарда тутилган.
Россия Федерациясининг Жиноят ва Жиноят-процессуал кодексларига ноқонуний миграция учун жазони кучайтириш мақсадида жами тўртта қонун қабул қилинди, дея хабар беради Давлат думаси раиси Вячеслав Володин ўзининг Телеграм-каналида.
Шунингдек, Россияга ноқонуний киришни ташкил қилиш 2 йилдан 5 йилгача қамоқ билан жазоланади. Бундан ташқари, 500 минг рублгача жарима ҳам жорий этилмоқда. Сохта ҳужжатлардан фойдаланган ҳолда ноқонуний миграцияни ташкил қилиш 5 йилдан 10 йилгача қамоқ ва 1 миллион рублгача жаримага сабабчи бўлади.
Бундан ташқари, Давлат думаси қабул қилган қонунга кўра ноқонуний муҳожир томонидан жиноят содир этилиши оғирлаштирувчи ҳолат сифатида тан олинади.
If you have found a spelling error, please, notify us by selecting that text and pressing Ctrl+Enter.
Тавсиялар
Америкалик инвестор "Шимолий оқим-2"ни сотиб олиб, Украина бўйича тинчлик музокараларига таъсир ўтказмоқчи
КНАУФ ГИПС БУХОРО заводида қуёш электр станциясининг очилиши бўлиб ўтди
Россия Федерацияси Бош прокурори Ўзбекистонга ташриф буюрди
Тошкентда қалбаки АҚШ долларларини сотаётган шахслар қўлга тушди
Россия ҳарбийлари Донецк вилоятида асирга олинган Украина аскарларини отиб ташлади
USD
EUR
RUB
Шарҳлар