Чет элдан қайтган россияликлар 2023 йилда Россия иқтисодий ўсишининг учдан бир қисмини таъминлади

Чет элдан қайтган руслар 2023 йилда Россия Федерациясининг иқтисодий ўсишининг учдан бир қисмини таъминладилар. Бу ҳақда DW Bloomberg’га таяниб ёзмоқда.

Нашрнинг қайд этишича, Россияга қайтган ишчилар умумий ходимлар сонининг атиги 0,3 фоизини ташкил қилади.

«Бу меҳнат бозоридаги ўткир танқисликни камайтирмайди, лекин репатриантларнинг иқтисодий фаолиятга ҳаддан ташқари ҳисса қўшаётганини таъкидлайди», деб ёзади Bloomberg.

Нашр россияликларнинг ватанга қайтишга қарор қилишининг асосий сабаблари орасида бошқа мамлакатлардаги миграция сиёсати ва Россия Федерациясида “юқори қўшимча қиймат”га эга бўлган соҳаларда иш ҳақининг ошиши билан боғлиқ муаммоларни кўрсатади.

Шу билан бирга, деб ёзади Bloomberg, катта эҳтимол билан уларнинг ватанларига қайтиш жараёни давом этади. Матн социологик тадқиқот маълумотларини тақдим этади, унга кўра россиялик муҳожирларнинг атиги 41 фоизи янги мамлакатда ўз мақомини барқарор деб ҳисоблайди. 25%, ўз навбатида, маҳаллий аҳоли ёки муассасалар томонидан камситиш ҳақида хабар беради.