Россия ва Тожикистон ТИВ вазирлар ўртасидаги суҳбатни турлича тақдим этдилар

Россия ва Тожикистон ташқи ишлар вазирликлари вазирлар Сергей Лавров ва Сирожиддин Мухриддин ўртасидаги музокараларнинг турли версияларини эълон қилди. ТАСС манбасига кўра, русча версия тўғри келтирилган.

Тожикистон версиясида айтилишича, идоралар раҳбарлари “Россия ҳукумати томонидан кўрилган кескин чоралар натижасида Тожикистон фуқаролари Россия ҳудудида қолиб кетган мураккаб вазиятни” муҳокама қилган. Тожикистон ташқи ишлар вазирининг айтишича, бу икки томонлама муносабатлар тамойилларига мос келмайди.

“С.Лавровнинг “Муайян миллат ёки динга нисбатан кўрилаётган чора-тадбирларни йўналтирмаслик тўғрисида”ги баёноти доирасида С.Мухриддин бу тезис реал вазиятга тўғри келмаслиги ва салбий ҳаракатлар фақат Тожикистон фуқароларига нисбатан қўлланилишини таъкидлаган. Бу ҳақда Тожикистон Ташқи ишлар вазирлигининг Телеграм-каналидаги баёнотида айтилган.

Россия Ташқи ишлар вазирлиги версиясида айтилишича, жаноб Лавров мамлакатга келаётган хорижликларни синчиклаб текширувдан ўтказиш Кроcус City Ҳаллдаги теракт билан боғлиқ бўлиб, муайян миллат ёки динга қарши қаратилмаган ва вақтинчалик.

“Томонлар Россия-Тожикистон ўртасидаги вақт синовидан ўтган стратегик шериклик ва иттифоқчилик муносабатларига эҳтиёткорлик билан ёндашиш, уларнинг ижобий динамикасини сақлаб қолиш ва мустаҳкамлаш зарурлиги тўғрисида бир овоздан фикр билдирди”, — дейилади Россия дипломатик департаменти матбуот хизмати хабарида.

Бир қатор оммавий ахборот воситалари 22 апрелдан буён Оренбург вилоятидаги Қозоғистон-Россия чегарасида 180 га яқин тожик рақамларига эга автомобиллар қолиб кетгани ҳақида хабар тарқатди. Тожикистон фуқаролари Россияга фақат сўроқ ва телефонлар текширилгандан сўнг киришлари мумкин дейилган. 27 апрель куни Тожикистон Ташқи ишлар вазирлиги ўз фуқароларини Россия Федерациясига саёҳат қилишдан тийилишга чақирди. Шу куни Россия Ташқи ишлар вазирлигининг расмий вакили Мария Захарова Крокусдаги терактдан кейин кучайтирилган хавфсизлик чоралари муносабати билан чегаранинг қуруқликдаги участкаларида “текшириш ишлари” олиб борилаётганини айтди. 29 апрель куни Тожикистон фуқаролари ҳуқуқлари бузилгани учун Россия элчисига норозилик билдирганди.