Сентябрь ойида Хитой ва Россия биргаликда ҳарбий машқларни ўтказади
Хитой Мудофаа вазирлиги жорий йилнинг сентябрь ойида Россия билан “Шимол/Ўзаро ҳамкорлик – 2024” деб номланган қўшма ҳарбий машғулотлар ўтказилишини эълон қилди.
Машғулотларга ҳар икки давлат ҳарбий-денгиз кучлари ва авиацияси жалб этилади. Манёврлар Охот денгизи ва Япония денгизида, шунингдек, уларнинг устидаги ҳаво бўшлиғида бўлиб ўтади.
Хитой Мудофаа вазирлигига кўра, машғулотлардан мақсад “стратегик ҳамкорликни мустаҳкамлаш ва хавфсизликка таҳдидларга биргаликда қарши туришга тайёрликни ошириш”дир.
Бундан олдин шунга ўхшаш машқлар – “Шимолий/Ўзаро ҳамкорлик – 2023” – 2023 йил 20 июлдан 23 июлгача Япония денгизида ўтказилганди. Шу йилнинг июль ойида Россия ҳарбий кемалари Хитойнинг жанубий қирғоқларида ўтказилган “Денгиз ҳамкорлиги 2024” қўшма машғулотларида қатнашди.
Хитой ва Россия сўнгги йилларда ўзаро дўстликни “чегарасиз” деб атаган ҳолда яқинлашишди.
Хитой Украинадаги можарода бетарафликни даъво қилади, бироқ Ғарб етакчилари Пекинни Москвани сиёсий ва иқтисодий қўллаб-қувватлагани, жумладан, икки мақсадли товарлар савдоси учун танқид қилмоқда. Июль ойида НАТО етакчилари Хитойни Россиянинг Украинага бостириб киришида “ҳал қилувчи ёрдамчи” деб атаган декларацияни эълон қилди, Пекин эса НАТОни “қарама-қаршиликни қўзғатишдан” эҳтиёт бўлишга чақирди.
If you have found a spelling error, please, notify us by selecting that text and pressing Ctrl+Enter.
Тавсиялар
Ўзбекистонда инклюзив рекрутинг қандай бўлиши керак
АҚШ ўз ҳарбийларини Нигер ҳудудидан олиб кетишни якунлади
Oracle компанияси ҳамасосчиси энг бой одамлар рўйхатида иккинчи ўринни эгаллади
Евроиттифоқ АҚШ иштирокисиз Украинага 40 млрд евро кредит ажратишга тайёр
Қозоғистон Тўқаев ва Шольцнинг матбуот анжуманини бекор қилди
USD
EUR
RUB
Шарҳлар