“Шереметьево” аэропортида ўнлаб тожикистонликлар беш суткадан кейин ортга қайтариб юборилди

Россия чегарачилари ўнлаб тожикистонликларни Шереметьево аэропортида беш кун ушлаб туриб яна ватанига қайтариб юборди. Бу ҳақда “Медиазона” хабар беради.

Хорижликларнинг сўзларига кўра, улар 3 июль куни эрталаб Москвага етиб келган, бироқ чегарани  кесиб ўта олмаган. Нашр суҳбатдошларининг аниқлик киритишича, у ерда 200 га яқин одам бўлган ва айнан Тожикистон фуқаролари қўшимча текширувдан ўтказилган.

Муҳожирлар уларга нон ва бошқа озиқ-овқат маҳсулотлари солинган багаж берилмаганидан шикоят қилиб, ташриф буюрувчиларни аэропортда ўрнатилган машиналардан қиммат сув ва озиқ-овқат сотиб олишга мажбур қилишган.

Орадан беш кун ўтиб, 8 июль куни ўнлаб Тожикистон фуқаролари Россия ҳудудига кириши рад этилгани сабабларини кўрсатмасдан Марказий Осиё республикасига қайтариб юборилган. Қанча одам мамлакатдан чиқариб юборилганига аниқлик киритилмаган.