Шимолий Корея раҳбари ҳарбийларни урушга шай бўлишга чақирди

Reuters нашрининг ёзишича, Шимолий Корея етакчиси Ким Чен Ин ўз мамлакатининг ҳарбий, ўқ-дорилар саноати ва ядро қуроллари секторига АҚШнинг мисли кўрилмаган қарама-қарши ҳаракатларига қарши туриш учун урушга тайёргарликни тезлаштиришни буюрди, дея хабар берган давлат матбуоти.

Мамлакат ҳукмрон партиясининг муҳим йиғилишида янги йил сиёсати йўналишлари ҳақида гапирар экан, Ким, шунингдек, Пхенян “антимпериалистик мустақил” давлатлар билан стратегик ҳамкорликни кенгайтиришини айтди, дея хабар берган KCNA ахборот агентлиги.

Вашингтон Пхенянни Украина билан урушда фойдаланиш учун Москвага ҳарбий техника етказиб беришда айблагани, Россия эса Шимолга ҳарбий салоҳиятини оширишга техник ёрдам кўрсатаётгани сабабли Шимолий Корея Россия билан алоқаларини кенгайтирмоқда.

“У (Ким) урушга тайёргарликни янада тезлаштириш учун халқ армияси ва ўқ-дорилар саноати, ядро қуроллари ва фуқаролик мудофааси секторлари олдига жангари вазифаларни қўйди”, деб ёзади  KCNA ахборот агентлиги.

Жанубий Корея президенти Юн Сок Ёл шарқий Ёнчхон округи фронт чизиғидаги ҳарбий қисмга ташриф буюриб, унинг мудофаа ҳолатини кўздан кечирган ва, агар Шимолий Корея томонидан провокация бўлса, зудлик билан жавоб чораларини кўришга чақирган.

“Мен сизларни душманнинг провокация қилиш иродасини зудлик билан ва қаттиқ бостиришга чақираман”, деган Юн Сок Ёл аскарларга.