Шри-Ланкадаги президент сайловида мухолифат етакчиси ғолиб бўлди
Шри-Ланка президенти сайловларида “Миллий халқ ҳукумати” мухолифат альянси етакчиси Анура Кумара Диссанаяке 42,31 фоиз овоз билан ғолиб чиқди, деб ёзади “Коммерсантъ”. 2019 йилги сайловларда у 3 фоиз овоз тўплаганди.
Амалдаги президент Ранил Викремесингхе учинчи ўринни эгаллади, ундан олдинда эса яна бир мухолифатчи сиёсатчи — Сатжит Премадаса жойлашди.
Анура Кумара Диссанаяке 2014 йилдан Шри-Ланканинг JVP коммунистик партиясига раҳбарлик қилиб келади. Унинг сайловолди кампанияси мамлакатда кенг кўламли ислоҳотлар ўтказиш, шу жумладан, коррупцияга қарши курашиш ҳақидаги ваъдаларга асосланган эди.
Бундан аввалги президент сайловлари Шри-Ланкада 2019 йилда ўтказилган бўлиб, Готабая Раджапаксанинг ғалабаси билан тугаган эди. 2022 йил июлида у мамлакатдаги оммавий норозиликлар фонида истеъфога чиққан, президент лавозимини эса парламент қарори билан Ранил Викремесингхе эгаллаган эди.
If you have found a spelling error, please, notify us by selecting that text and pressing Ctrl+Enter.
Тавсиялар
24 сентябрь куни Ўзбекистонда қандай об-ҳаво кутилмоқда?
Фото: Қорақалпоғистоннинг Сариқамиш кўлидаги фламинголар
Буюк Британия туристик компанияси Ўзбекистон бўйлаб ҳашаматли сайёҳлик поездини йўлга қўйди
Тошкент вилоятида каналга тушиб кетган Spark чиқариб олинди (видео)
Бутунжаҳон шахмат олимпиадасида Ўзбекистон эркаклар жамоаси бронза медалини қўлга киритди
USD
EUR
RUB
Шарҳлар