Словакия мудофаа вазири: Фицонинг ҳолати оғир бўлиб қолмоқда

Словакия мудофаа вазири Роберт Калинякнинг айтишича, чоршанба куни ҳаётига суиқасд қилинган мамлакат бош вазири Роберт Фицонинг аҳволи оғирлигича қолмоқда. Hnonline.sk нашри Калинякнинг сўзларини келтиради, унга кўра шифокорлар Фицонинг аҳволини барқарорлаштириш учун ҳамма нарсани қилишмоқда.

“Афсуски, биз ҳали ғалаба қозоняпмиз, деб айта олмаймиз, чунки тўртта ўқ келтириб чиқарилган жароҳатлар кўлами жуда катта”, — деди Калиняк.

Чоршанба куни кечқурун 59 ёшли Фицони уч соатдан операция қилишгани ва шифокорлар унинг ҳаёти учун курашаётгани, у оғир аҳволда эканлиги ҳақида хабар берилган эди.

Роберт Фицога суиқасд чоршанба куни тушдан кейин ҳукуматнинг кўчма йиғилишидан  кейин Гандлова шаҳрида содир бўлган. Бош вазир маҳаллий аҳолининг олдига келганида, фуқаролардан бири унга бир неча марта ўқ узган.

Расмийлар дастлаб гумондорнинг исмини айтмади, бироқ маҳаллий ОАВ кун давомида отишма маҳаллий 71 ёшли адабиётчи ва сиёсий фаол бўлиши мумкинлигини билиб олди.