Соловьёв отишмалар сабабли белгородликларнинг хавотирларини “ёқимсиз жазава” деди

Владимир Соловьёв ўз дастурида Москва областидаги теракт фонида улар ҳақида унутмасликни сўраган Белгород аҳолиси ҳақида гапирди. Соловьёв «бирор нарсани билмаганларга» «овозларини ўчириш»ни таклиф қилди.

«Ўзини блогер сифатида кўрсатаётган кўп сонли турли хил махлуқлар федерал ҳокимият Белгородни унутганини, одамларга ёрдам беришини, уларда ҳеч нарса йўқлигини ёзишяпти. Москва хурсандчилик қилаётган бир пайтда, Белгород ўлаётганмиш, бунинг ҳаммаси ёқимсиз жазава”, — дейди тарғиботчи.

Белгород чатларида аҳоли бирлашиб, шоунинг “ВКонтакте” саҳифасида шарҳ ёзишга рози келишиб олишди. Улар Соловьёв Белгородга бронежилетда келганини эслатишди. Унга болалари билан ҳудудга кўчиб ўтишни ва «махлуқларга» отишмалар остида тўғри хатти-ҳаракат қилиш намунасини кўрсатишни таклиф қилишди.