Столтенберг Украина қачон НАТОга таклиф қилиниши ҳақида гапирди

НАТО бош котиби Йенс Столтенберг Украинанинг альянсга таклиф қилиниши эҳтимоли ҳақидаги саволга жавоб берар экан, таклиф барча иттифоқчилар томонидан қўллаб-қувватлаганида амалга ошишини ва Украинанинг ўзи бунинг учун барча зарур шартларни бажариши кераклигини айтди.

“Украина аввалроқ қабул қилган қарорлари туфайли НАТОга ҳеч қачон ҳозиргидай яқин бўлмаган, <…> Таклиф барча иттифоқчилар рози бўлганида ва бунинг учун барча шартлар бажарилганда амалга оширилади”, – деди у.