Тайван Хитойнинг 23 та учувчи аппарати яқинлашганини қайд этди

Тайван ҳарбийлари Хитой халқ озодлик армиясининг 20 дан ортиқ самолёти яқинлашиб келаётганини аниқлади. Бу ҳақда оролнинг мудофаа департаменти хабар беради.

Маълумотларга кўра, маҳаллий вақт билан соат 07:10 дан (Москва вақти билан 02:10) оролга 23 та “НОАК” учувчи аппарати, жумладан J-16 қирувчи самолётлари ва KJ-500 радиолокацион аниқлаш самолётлари яқинлашган. Улардан 22 та самолёт Тайван бўғозининг ўрта чизиғини кесиб ўтиб, оролнинг жануби-ғарбий ва шарқий қисмларида ҳаво ҳужумидан мудофаа идентификацияси зонасига кирган.

Тайван 1949 йилда Чан Кайши (1887-1975) бошчилигидаги Гоминдан қўшинларининг қолдиқлари Хитой фуқаролар урушидаги мағлубиятдан сўнг оролга қочиб кетганидан бери ўз маъмурияти томонидан бошқарилади. Пекин Тайванни Хитой Халқ Республикасининг провинцияларидан бири деб билади.