Тайван 23 та самолёт ва 5 та Хитой кемасининг яқинлашаётганини айтди

Тайван қуролли кучлари Хитой халқ озодлик армиясининг 23 та самолёти ва бешта кемаси оролга яқинлашаётганини қайд этди, деб ёзади “ТАСС”.

Саккизта Хитой самолёти Тайван бўғозининг ўрта чизиғини кесиб ўтиб, оролнинг жануби-ғарбий ва шарқий қисмидаги ҳаво ҳужумидан мудофаа идентификация зонасига кирган.

Тайван армияси нишонларни кузатиш учун самолётлар, кемалар ва ердаги зенит-ракета тизимларидан фойдаланган ҳолда жавоб берган.