Терактда айбланаётганларнинг иккитаси ҳужумдан олдин “Крокус Сити Холл”га бир неча бор келган

Терактда айбланаётган икки киши ҳужумдан олдин “Крокус Сити Холл”га бир неча бор келган, дея хабар беради Life таблоидига яқин бўлган Shot телеграм канали.

Унинг сўзларига кўра, Шамсидин Фаридуний ва Муҳаммадсобир Файзов теракт содир бўлишидан икки ҳафта олдин камида беш марта концерт ўтказиладиган жойга келган. Норасмий маълумотларга кўра, улар “Крокус”да 8 ва 10-11 март кунлари бўлиб ўтган Григорий Лепс ва Шаманнинг концертларидан олдин қайд этилган.

Концерт зали ходими Александр Журикнинг айтишича, Лепснинг концертидан олдин “Shot” канали “террорчилар етакчиси” деб номлаган Шамсидин Фаридуний билан гаплашган. «Крокус» ходимининг сўзларига кўра, Фаридуний атрофга аланглаб, нима қаерда жойлашганини сўраган.

Baza нашри Фаридунийнинг 7 март куни кечқурун “Крокус”да олинган фотосуратларидан бирини эълон қилди. «112» телеграм-каналининг хабар беришича, гумондорлардан бири ҳужум арафасида «Крокус» спектаклига ташриф буюрган.

“ВЧК-ОГПУ” телеграм каналининг тасдиқланмаган маълумотларига кўра, Шамсидин Фаридуний Москва яқинидаги Подольскда «Машиностроитель» маданият марказида ҳам кўришган (у аввал шу шаҳарда ишлаган).