Тергов қўмитаси Мудофаа вазирлиги кадрлар бўлими бошлиғи Юрий Кузнецовнинг пора олиш билан қамалганини тасдиқлади

Россия Тергов қўмитасининг Бош тергов бошқармаси Россия Федерацияси Мудофаа вазирлиги кадрлар бўлими бошлиғи Юрий Кузнецовга нисбатан жиноий иш очди. У катта миқдорда пора олганликда гумон қилинмоқда.

Тергов маълумотларига кўра, 2021-2023 йилларда Кузнецов Россия Қуролли Кучлари Бош штаби 8-бошқармаси бошлиғи сифатида тижорат тузилмалари вакилларидан уларнинг фойдасига муайян ҳаракатларни амалга оширгани учун пора олган.

“Гумонланувчининг ҳақиқий яшаш ва рўйхатдан ўтган жойида тинтув ўтказиш чоғида 100 миллион рублдан ортиқ рубл ва хорижий валютадаги маблағлар, тилла тангалар, коллекция соатлари ва қимматбаҳо буюмлар топилиб, олиб қўйилди”.