Толиблар хиёнат учун аёлларни тошбўрон қилишни тиклаяпти

Ҳайбатуллоҳ Охундзода дам олиш кунлари Афғонистон миллий телевидениесида чиқиш қилиб, Ғарб сиёсатчиларига қуйидаги сўзлар билан мурожаат қилди:

“Аёлларни тошбўрон қилиб ўлдирганимизда, бу уларнинг ҳуқуқларини поймол қилиш, дейсиз. Тез орада эрига хиёнат учун жазони жорий қиламиз. Биз аёлларни омма олдида савалаймиз. Биз уларни омма олдида тошбўрон қилиб ўлдирамиз. Буларнинг барчаси сизнинг демократиянгизга зид, лекин биз буни қилишда давом эттирамиз. Шунингдек, биз инсон ҳуқуқларини ҳимоя қиламиз, деяпмиз – биз буни Оллоҳнинг вакиллари сифатида қиламиз, сизлар эса шайтон вакиллари сифатида қиласизлар”, – дейди толиблар етакчиси ва Афғонистон Ислом Амирлиги раҳбари Ҳайбатуллоҳ Охундзода.

Афғон телевидениеси фақат Ҳайбатуллоҳнинг овозли ёзувини эълон қилди. У узоқ вақтдан бери омма олдида кўринмаган. Унинг юзи акс этган бир нечта эски фотосурат бор, холос. Ҳозирда у Қандаҳорда бўлиши мумкин.