Тожикистонда миллий маданиятга ёт либосларни кийиш ва сотиш тақиқланди

“Тожикистон Республикасида байрам ва маросимларни тартибга солиш тўғрисида”ги қонунда, жумладан, “миллий маданиятга ёт” либосларни кийиш ва сотишни тақиқлаш ҳам назарда тутилган. Қонунга риоя қилмаслик учун жарима мавжуд. Лекин Қонунда қайси кийим турлари “миллий маданиятга ёт” деб ҳисобланиши аниқ кўрсатилмаган.

“Янги таҳрирдаги қонунлар миллий маданиятнинг асл қадриятларини ҳимоя қилиш, байрам ва маросимларда хурофот ва ортиқча исрофгарчиликнинг олдини олишга, Тожикистон халқининг маънавияти ва ижтимоий-иқтисодий даражасини юксалтиришга, шунингдек, боланинг ҳуқуқ ва эркинликларини ҳимоя қилиш, болани инсонпарварлик, ватанпарварлик, миллий ва умуминсоний қадриятларга ҳурмат руҳида тарбиялашга қаратилган”, – дейилади хабарда.