Трамп АҚШ учинчи дунё давлатига айланаётганини айтди

Суд-ҳуқуқ тизимининг коррупцияси ва мигрантларнинг Мексика билан чегарадан назоратсиз оқиб ўтиши Қўшма Штатларни учинчи дунё давлатига айлантирмоқда, деди Дональд Трамп шанба куни.

“Агар бу таъқиблар давом этса, ҳеч ким АҚШда бизнес қилишни хоҳламайди ва биз учинчи дунё давлатига айланамиз. Биз, аслида, кўп жиҳатдан бир бўлдик — жанубий чегарамизга қаранг”, — деган Трамп Мичигандаги ўз тарафдорлари олдидаги митингда.

Аввалроқ Трамп, Нью-Йорк судининг уни Trump Organization активларини баҳолашдаги фирибгарлик айблови бўйича фуқаролик даъвосида айбдор деб топган қарори устидан шикоят қилишини айтган эди.