Трамп Путин билан гаплашиш имкониятини истисно этмаяпти

Доналд Трамп NBC телеканалига берган интервюсида сайловда ғалаба қозонганидан сўнг ҳали Владимир Путин билан мулоқот қилмаганини, бироқ бундай имкониятни истисно қилмаслигини айтди. «Ўйлайманки, биз гаплашамиз», – деди у.

Трампнинг қўшимча қилишича, сайловнинг дастлабки натижалари эълон қилинганидан бери у 70 га яқин дунё етакчилари, жумладан, Украина президенти Владимир Зеленский билан гаплашган, бироқ у бу суҳбат тафсилотларини ошкор қилмаган.