Зеленский Вашингтонда Байден ва Харрис билан учрашди
АҚШ ва Украина президентлари Жо Байден ва Владимир Зеленский Оқ уйда учрашув ўтказди, деб ёзади Meduza.
Матбуот учун баёнотда Америка етакчиси Киевга 2,4 миллиард долларлик янги ёрдам пакети ажратилиши ҳақида эълон қилди. Ушбу пакет қўшимча ҳаво ҳужумига қарши мудофаа воситалари, ўзи учар қурилмалар ва “ҳаво-ер” синфидаги ўқ-дориларни ўз ичига олади.
Зеленский Байденга Украинанинг Россияга қарши урушдаги “ғалаба режаси”ни тақдим этганини маълум қилди. “Режани кучайтириш тафсилотларини муҳокама қилдик, ўз позицияларимизни, қарашларимиз ва ёндашувларимизни мувофиқлаштирдик. Жамоаларимизга кейинги қадамлар бўйича маслаҳатлашувлар ўтказишни топширдик”, — деди у музокаралардан сўнг.
Байден билан музокаралардан кейин Зеленский Оқ уйда АҚШ вице-президенти Камала Харрис билан учрашди. Демократик партиядан АҚШ президентлигига даъвогарлик қилаётган Харрис Украинани қўллаб-қувватлаш йўлидан оғишмаслигини айтди. Вице-президент, шунингдек, баъзи америкаликларнинг Украина Россияга ўз ҳудудларини бериши керак, деган фикрларини рад этди.
If you have found a spelling error, please, notify us by selecting that text and pressing Ctrl+Enter.
Тавсиялар
Жисмоний шахсларга давлат ҳисобидан юридик ёрдам кўрсатилади
Ҳайдовчи қуёш кўзини қамаштиргани сабабли пиёдани кўрмай қолган натижада ЙТҲ содир бўлди
Тошкентда тўрт миллиондан ортиқ петарда ва пиротехника йўқ қилинди
Ҳайвонот ва ўсимлик дунёсининг муҳофазаси кучайтирилади
Россияда маҳкумларнинг кийими янгиланади: Бунга сабаб нима
USD
EUR
RUB
Шарҳлар