Уэльс маликаси Кейтнинг операциядан кейинги биринчи фотосурати чоп этилди

Кенсингтон саройи Уэльс маликасининг январь ойида қорин бўшлиғида жарроҳлик амалиётини ўтказганидан кейинги илк расмий суратини эълон қилди.

Ушбу ҳафта бошида шаҳзода Уильям томонидан олингани айтилган фотосуратда Кейт уч фарзанди – ўн ёшли Жорж, саккиз ёшли Шарлотта ва беш ёшли Луи билан тасвирланган.

Суратга Оналар куни муносабати билан табрик сўзи, шунингдек, маликанинг “доимий жамоатчилик томонидан қўллаб-қувватлангани” учун миннатдорчилик сўзлари ҳам қўшилган.

Кейт Пасхагача ўзининг жамоатчилик вазифаларини бажаришга қайтмаслиги кутилмоқда.