УҚК сафларида жанг қилаётган россиялик кўнгиллилар Белгород ва Курск области аҳолисини эвакуация қилишга чақирмоқда

“Биз ватандошларимизга: Белгород шаҳри аҳолисига, Белгород маъмуриятининг масъул ходимларига ва бизни эшитаётган барчага мурожаат қиламиз. <…>

Биз Белгород ва Курск шаҳарларида жойлашган ҳарбий позицияларни ўққа тутишга мажбурмиз”, — дейилади “РДК”, “ЛСР” ва Сибирь батальонининг қўшма баёнотида.

Легион аъзоларининг сўзларига кўра, Тёткинода жанглар давом этмоқда, кўчаларда отишмалар бўляпти. Россиялик кўнгиллилар Россия Федерацияси ҳудудида янада олдинга силжишгани ҳақида эълон қилишди.

Илгари биз Украина-Россия чегараси ёриб кирилгани ҳақида ёзган эдик, тафсилотларни ўқинг.

Россия Мудофаа вазирлигининг хабар беришича, “ДРГ” 60 га яқин одамни ва тўртта пикапни йўқотган; Нехотеевка ҳудудида душманнинг йўқотишлари 45 кишини, иккита танк ва иккита бронетранспортёрни ташкил этган; Сподарюшино ҳудудида “ДРГ” 100 дан ортиқ одам, бешта танк, учта Bradley пиёда жанговар машинаси, иккита автомобиль ва муҳандислик машинасини йўқотган.