Украина мудофаа кучлари Курск областида Россиянинг Су-34 самолётини йўқ қилди

Украина Қуролли кучлари Бош штаби Украина қўшинлари Курск областида Россиянинг Су-34 қирувчисини йўқ қилгани ҳақида хабар берди.

“Бугун тунда Курск области (РФ) ҳудудида жанговар топшириқ давомида Россиянинг Су-34 қирувчи-бомбардимончи самолёти Украина ҳарбий-ҳаво кучларининг зенит-ракета кучлари ва воситалари томонидан йўқ қилинди”, — дейилади Бош штаб баёнотида.

Россия ҳарбийлари Су-34 ҳалокати ҳақидаги хабарларга изоҳ бермади.