Украина Россияга қарши янги ракетадан фойдаланишни режалаштирмоқда

Украина Россияга қарши янги “Гром-2” баллистик ракетасидан фойдаланишни режалаштирмоқда. Бу ҳақда The Telegraph нашри хабар берди.

Нашр Украинанинг НАТОдаги делегацияси раҳбари Егор Черневнинг “деярли ракетанинг тайёрлиги тугалланганини тасдиқловчи сўзларидан иқтибос келтирган ҳолда, “Ишонинг, тез орада аниқ натижалар бўлади, уларни нафақат Украина, балки Россия Федерацияси ҳам кўради”.

Гром-2 – бу бир босқичли қаттиқ ёқилғида ишлайдиган ракета бўлиб, 500 кг гача бўлган жанговар каллакни 500 кмгача олиб ўтишга қодир. У 1970-йиллардаги Совет Иттифоқининг “Точка” ракетасидан анча устундир, у ҳозиргача Украинада ўз туридаги энг илғор қурол бўлган. Гром-2ни ишлаб чиқиш ўн йилдан ортиқ давом этди, лойиҳа 2022 йилда устуворликка эга бўлди ва август ойида Украина президенти Владимир Зеленский муваффақиятли синовдан ўтганини эълон қилди.

Баъзи кузатувчиларга кўра, назарий жиҳатдан, бундай ракетанинг ишлаб чиқарилиши Ғарбнинг Россия ҳудудига чуқур зарбалар бериш учун рухсати масаласини олиб ташлаши мумкин.